ادارو ته به په سياست کښې مداخلت بندول وي، محمودخان اچکزئي

 دپښتونخوا ملي عوامي پارټۍ چئيرمين محمودخان اچکزئي وئيلي دي چې  دملک دترقۍ لپاره به ادارو ته په سياست کښې مداخلت بندول وي.

 په صوابۍ کښې اولسي جرګې ته په وينا کښې محمودخان اچکزئي ووئيل چې  په پاکستان کښې ترټولو لويه ترهه ګري دا ده چې په اتمه فرورۍ دټوپک په زور دخلقو نه  دووټ حق وتروړلے شو.

 دۀ ووئيل چې  دا حکومت چې څنګه راغلے، څوک پرې دپوهولو ضرورت نشته، ټول دې دائين دننه کار وکړي، دۀ ووئيل چې پارلمان  دملک سرچينه پکار ده.

 محمودخان اچکزئي ووئيل چې   داوبو په تقسيم کښې 50 فيصده  پنجاب، 38 فيصده  سندهـ،8 فيصده  خېبرپښتونخوا اؤ درې فيصده بلوچستان ته ورکولے شي، پښتونخوا ملي عوامي پارټي دا تقسيم بيخي مسترد کوي

 محمودخان اچکزي ووئيل چې  وزيراعلي ته پکار دي چې په خېبرپښتونخوا کښې هم  دسيندونو نه نهرونه وباسي چې دغه شان زمونږ زمکې ابادې شي، مونږ غواړو چې پاکستان يوځائے وي  خو هغه به هله وي  چې ټولو ته برابر حقونه اؤ په وسائيلو خپل حق ترلاسه شي.

 دۀ ووئيل چې زمونږ صوبه په وسائيلو سمبال ده، مونږ ته دچا دخيرات ضرورت نشته، په خېبرپښتونخوا اؤ بلوړچستان کښې ددنيا ټول وسائيل موجود دي.

دۀ پوښتنه کړې ده چې دائي ايم ايف نه کومې قرضې اخستل کيږي، په هغې کښې خېبرپښتونخوا اؤ بلوچستان ته تر ننه څومره برخه ترلاسه شوې ده؟