کوهاټ کې د ښځينه ډاکټرې وژل کېدو خلاف د ډاکټرانو کاربنديز دوام لري

کوهاټ ( نعمت الله خان ) پۀ کوهاټ کې د ښځينه ډاکټرې د وژل کېدو خلاف د ډاکټرانو کاربنديز لا هم دوام لري

  د کوهاټ ډويژنل روغتون  کې د مهوېش په نوم د مېرمنو ناروغيو  ډاکټره هغه مهال د ناڅرګندو وسله والو لخوا په ډزو ووژل شوه کله چې نوموړې له روغتون څخه کور ته په لار وه.

پولیس د يادې پېښې په تړاو لومړنی رپورټ ليکلے او په پېښه کې ککړو کسانو نیول  ئې پيل کړي.

په کوهاټ کې د ځوانانو ډاکټرانو ټولنې غړيو د ضلعې په دولتي او شخصي روغتونونو کې د کار نه کولو اعلان کړے، دغه ډاکټران زياتوي، چې پولیس دې په پېښه کې ککړ کسان زر تر زره   ونيسي او  قانون منګولو ته دې ئې  وسپاري.

د ډاکټرانو د ټولنې مشر ډاکټر حفيظ اورکزي په وينا چې پولیس د ډاکټرانو ته خونديتوب په ورکولو کې ناکام شوي، هغه داسې ډول پېښې رامنځته کېدل د ډاکټرانو د نا خونديتوب يوه بېلګه بللې ده.

ده زياته کړه، که چېرته د وژل شوې ډاکټرې کورنۍ ته انصاف ور نه کړل شو نو د کاربنديز دغه لړۍ به د ايالت کچې پورې وغځوي.

بلخوا د کوهاټ پولیسو دريځ دی، د پېښې په تړاو یې خپلې پلټنې پيل کړي او ککړ کسان به ژر ونيسي او قانون منګلو ته به وسپارل شي