ويسټ انډيز پاکستان ته اخري ون ډے ميچ کښې په ٢٠٢ رنز شکست ورکړو

Aug 14, 2025 - 00:07
 0  0
ويسټ انډيز پاکستان ته اخري  ون ډے ميچ کښې په ٢٠٢ رنز شکست ورکړو

ويسټ انډيز پاکستان ته په دريم او اخري ميچ کښې په ٢٠٢ رنز سره شکست ورکړے اؤ څلور ديرش کاله پس ئې دپاکستان نه يو ورځنے سيريز ګټلے دے، ټاروبا  کښې لوبول شوي ميچ کښې دپاکستان ټيم د٢٩٥ رنز په تعاقب کښې په ٩٢ رنز اوټ شوے دے، دپاکستان لخوا نائب کپتان سلمان اغا ديرش ترټولو زيات رنز  جوړ کړيدي، محمد نواز ٢٣ رنز جوړ کړي اؤ ناټ اوټ پلاتې شوے دے، حسن نواز ١٣، بابراعظم ٩، نسيم شاه ٦، حسين ـطلعت يو رن جوړ کړے اؤ اوټ شويدي، صائم ايوب ، عبدالله شفيق، کپتان محمد رضوان، حسن علي اؤ ابرار احمد بغير دڅه رن نه اوټ شويدي. دکوربه ټيم لخوا جيډن سلز شپږ وکټې اخستي دي، ګداکيش موتي دوه اؤ روسټن چيز يوه وکټه ترلاسه کړې ده. دپاکستان په بلنه وړومبي بيټنګ کولو سره  د ويسټ انډيز کپتان شے هوپ  دسينچرۍ په سبب په مقررو ٥٠و اوورونو کښې دشپږو وکټو په نقصان ٢٩٤  رنز جوړ کړيدي، کپتان شے هوپ په ٩٤ بالونو ١٢٠ رنز جوړ کړي او ناټ اوټ پاتې شوے دے. ايون لوئس ٣٧، روسټن چيز ٣٦، کيسي کارټي ١٧، شرفين ردرفورډ ١٥، ګداکيش موتي ٥ اؤ برينډن کنګ پينځه رنز جوړ کړيدي.c

What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0
حضرت يوسف حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي