اسرائيلي کابينې په غزه د مکمل پوځي واک متنازعه منصوبه منظوره کړه

 تل ابيب  – د اسرائيل سياسي او امنيتي کابينې په غزه باندې د پوځي واک ترلاسه کولو منصوبه منظوره کړه، چې دا اعلان د وزيراعظم بنيامين نيتن يا هو د تازه بيان نه  څو ساعته وروسته وشو.

د **رائټرز** له مخې، نيتن ياہو فاکس نيوز ته په ورکړي انټرويو کښې ويلي وو چې اسرائيل غواړي پۀ ټوله غزه مکمل پوځي کنټرول ولري، تر څو حماس ختم  کړي. د هغه دفتر لخوا خپور شوي بيان کښې ويل شوي:

"اسرائيلي پوځ به د غزه ښار د کنټرول لپاره تيارے نيسي، او هغو اولسي خلقو ته چې د جنګ له سيمو بهر دي، به بشري مرسته ورکول کېږي."

**غزه ښار** چې د شمالي برخې تر ټولو لوئے او مهم ښار ګڼل کېږي، د اسرائيل لپاره ستراتيژيک  اهميت لري.

د اسرائيلي کابينې له قوله، د اوسنيو حالاتو له مخې، بل هېڅ بديل نشته چې حماس پرې ختم  شي يا اسرائيلي يرغماليان بېرته راوستل شي.

سرچينو ويلي، دا  فيصله چې د امنيتي کابينې لخوا منظوره شوې، اوس به د بشپړې کابينې له منظورۍ ته ضرورت لري، چې امکان لري تر **يکشنبې (اتوار)** پورې ورته منظوري ورکړل شي.

بل لور ته، د فلسطيني مقاومت ډلې **حماس** د نيتن ياہو دا بيان وغندلو او ويې ويل، "نيتن ياہو غزه کښې د نسل کشۍ، جبري بې‌کوره کولو، او خپلو ذاتي سياسي مفاداتو لپاره اسرائيلي يرغماليان هم قربانولو ته تيار دے."

حماس زياتوي: "د اسرائيلي يرغل پۀ ضد به کلک مقاومت وشي."