"يو اېن اېچ سي ار" له پاکستان څخه د افغان کډوالو اېستل د نړيوال قانون پرضد بولي

ځانګړی رپورټ: نعمت الله خان

ملګرو ملتونو د کډوالو عالي کمېشنرۍ ( يو اېن اېچ سي ار ) په خپل يو رسمي بيان کې ويلي، په پاکستان کې هغه کډوال کوم چې د ثبت ځانګړي کارتونه( پروف اف رجسټرېشن - پي او ار ) لرونکي دي دغه په نړيوال کچ رسمي کډوال دي دوی له ليسزو راهيسې په پاکستان کې مېشته دي.

دغه کډوال په جبري توګه افغانستان ستنول به د نړيوال قانون سرغړونه وي.

د کډوالو دغه سازمان زياتوي، چې پاکستان کلونه راهيسې د افغان کډوالو يو ښه کوربتوب کړی او ډېرو کډوالو په پاکستان له کوربه ټولنې سره ګډ وادونه کړي او اولادونه يې پر زدکړو کولو بوخت دي.

د کډوالو دغه سازمان اندېښنه څرګنده کړې، دغه کډوالو په داسې حال کې خپل هېواد ته د ستنولو له ګواښ سره مخ دي چېرته چې بشري حقوق او نجونه له زدکړو محرومه دي.

" يو اېن اېچ سي ار" له پاکستان حکومته غواړي د دغه کډوالو پرضد بايد عمليات ودرول شي او کډوالو په خوښه هېواد بايد لاړ شي.

 په پاکستان کې د ملګرو ملتونو د کډوالو عالي کمېشنرۍ ( يو اېن اېچ سي ار) زياتوي، د دغه هېواد کورنيو چارو وزارت لخوا ورته په رسمي توګه ويل شي چې هغه افغان کډوال د هم له هېواده ووځي کوم چې د ثبت ثبوت کارت ( پروف اف رجسټرېشن۔ پي او ار) لرونکي دي.

د حکومت پاکستان لخوا په رسمي خبر پاڼه کې راغلي، د دغه روان کال 31 اګست پورې دې پخپله خوښه افغان کډوال خپل هېواد ته ستانه شي او د ملګرو ملتونو د کډوالو اداره د ورسره په بېرته لېږلو کې مرسته وکړي پاکستان حکومت له هېواده د ناقانونه بهرنيانو اېستلو درېيم پړوا پيلوي۔

د ملګرو ملتونو د کډوالو دغه سازمان زياتوي، دوی هڅه کوي له حکومتي چارواکو سره د يادې پروسې په تړوا خبرې وکړي او په اړه يې معلومات ترلاسه کړي.

 د شمېرو له مخې په پاکستان دغه مهال 1٫4ميليونه د ( پي او ار ) په نوم کارت لرونکي افغان کډوال مېشت دي۔ دغه کډوال ته د پاکستان کورنيو چارو وزارت لخوا د رسنيو له لارې اعلانونه خپره شوي پکې  ورته د خپل هېواد ته د تللو ويل شوي دي‌.

بلخوا بيا په پاکستان کې مېشت دغه افغان کډوالو دريځ دی، په دومره کمه موده کې د کلونو ژوند چاروې نشې رټولولی دوی په لوی کچ کاروبارونه او اولادونه يې په ښونځويو او پوهنتونو کې پر زدکرو بوخت دي.

د کډوالو په خبره، په هېواد کې يې د نوي نظام حکومت رامنځته شوی هلته ورته د کارو او روزګار فرصتونه نشته دي په لاکونه شمېر د کډوالو په ورتګ سره به دوی د ژوند سخت حالاتو سره مخ کېدل شي او په هېواد کې به يې د انساني کړکېچ يو نوی بحران رامنځته شي.

کډوال دا هم وايي، ډېری داسې افغان کډوال په پاکستان کې ژوند کوي چې په هېواد کې هېڅ ډول د سرپناهۍ ځای نه لري او د ډېرې بېوزلۍ له کبله نشي کولای خپل هېواد ته لاړ شي.

بلخوا د پاکستان حکومت وايي، چې ناقانونه بهرنيان ځکه باسي چې په هېواد کې يې نا امني ډېره شوې نو د امنيت په خاطر يې پرېکړه کړې چې په هېواد کې به چا ته هم په ناقانونه توګه پاتې کېدو ته پرې نه ښودل شي.