غزه کښې داسرائيلو حملې،نور ٤١ فلسطينيان شهيدان

غزه کښې د اسرائيلو ظلمونه لا هم روان دي، نن نور ۴۱ فلسطينيان شهيدان شوي دي
غزه کښې د اسرائيلي ظلمونو لړۍ روانه ده، او د قطري ټيوي الجزيره د رپورټ له مخې، نن (چهارشنبه) د اسرائيلي بريدونو له امله لږ تر لږه ۴۱ فلسطينيان شهيد شوي دي.
د غزې يو مقامي روغتون، **الاقصي شهدا هسپتال**، نه يوه سرچينه وايي چې نن سهار **نيټزاريم کاريډور** ته څېرمه چرته چې خلکو د امداد انتظار کولو، هلته صهيوني پوځيانو ډزې کړي، او لږ تر لږه ۱۹ کسان پکې شهيدان شوي دي.
د غزې د صحت وزارت د شمېرو له مخې، د اکتوبر ۷مې نه راپدېخوا، د اسرائيلي بريدونو له وجې ۶۰ زره ۲۴۹ فلسطينيان شهيد شوي، او يو لک ۴۷ زره ۸۹ نور ژوبل شوي دي.
په غزه کښې د ماشومانو لپاره د فارمولا شيدو سخت کمے
بل لوري ته، ډاکټر خالد دقران وايي چې غزه کښې د ميندو او ماشومانو حالات ډېر خراب دي.
ده زياته کړې: فارمولا شيدې نشته، او ډېرې ميندې پخپله د غذايي کمښت سره مخ دي، ځکه د هغوي جسم دومره طاقت نه لري چې ماشوم ته شيدې ورکړي
What's Your Reaction?






