داسرائيلو لخوا دګيس دلوئې فيلډ ويشتل کيدو وروسته ايران دقطر دانرژۍ مرکز ويشتلى،سعودي عرب ئې په هدف کړے

دوبۍ،بيروت، د مارچ ۱۸ (رويټرز) – د ايران د پارس لوي ګيس ميدان د چهارشنبې په ورځ د امريکا او اسراييل تر منځ جګړې په نوې کچه کې هدف وګرځول شو، چې د تيلو نړيوال قيمتونه يې لوړه کړل. په ځواب کې تهران د قطر پر انرژۍ مرکزونو بريد وکړو  او سعودي عربستان  لوري ته ئې هم توغندي  ليږلي، وروسته له دې چې ژمنه يې وکړه چې د خليج د ټولو تيلو او ګيس  اهداف په نخښه کړي.

د قطر دولتي تيلو شرکت  قطري انرژۍ وويل چې د راس لفان صنعتي ښار په ايراني توغنديو بريد کې "غټ زيان" شوےدے. سعودي عربستان وويل چې دوي څلور باليسټيک توغندي چې د رياض پر لور لېږل شوي وو شنډ کړي او د هيواد په ختيځ کښې د يوې ګيس فابريکې په لور د ډرون بريد هڅه يې هم ناکامه کړې ده.

د دې جګړې له کبله د نړۍ د انرژۍ د رسولو بې ساري ګډوډے نور هم ژور شوے، چې د امريکا اولسمشر ډونالډ ټرمپ په سياسي موقف باندې فشار زياتوي. په متحده ايالاتو کې د ډيزلو قيمتونه د ۲۰۲۲ کال د انفلاسيون وروسته په  لومړي ځل د ګيلن په سر له ۵ ډالرو لوړ شول.

 په واشنګټن کې د امريکا د جاسوسۍ مشر ټلسي ګبارډ کانګرس ته وويل چې د جګړې له پيل راهيسې د ايران حکومت تر يوه حده کمزورے شوے، خو بيا هم فعال دے او کولے شي د امريکا او د هغې د متحدينو ګټو ته په منځني ختيز کښې زيان ورسوي.

د پارس ميدان د نړۍ تر ټولو لوي طبيعي ګيس زېرمې د ايران برخه ده چې قطر سره يې شريکوي. اسراييل د دې بريد مسؤليت په پراخه توګه منلے، که څه هم دواړه هېوادونو د سمدستي مسؤوليت اعتراف نه دے کړے. د ايران فارس خبري اژانس راپور ورکړو چې د ګيس ټانکونه او د يوه رافينري برخې هدف شوي، خو کارکوونکي يې وتلي او وروسته اور کنټرول شو.

قطر، چې د امريکا يو نږدې متحد دے او د امريکا تر ټولو لوئې هوايي اډه پکښې ده، بريد اسراييل ته نسبت ورکړو او دا يې د نړيوالې انرژۍ لپاره "خطرناک او غير مسؤلانه" وباله. متحده عربي اماراتو هم دغه بريد وغنده.

ايران د سيمې يو شمېر مهمو تيلو او ګيس  تاسيساتو نومونه ياد کړي چې د دوي په وينا يې "مستقيم او مشروع اهداف" دي—د سعودي سامرف رافينري او جبيل پترو کيميکل کمپلکس، د متحده عربي اماراتو ال حصن ګاز ميدان، او د قطر ميسايد پترو کيميکل کمپلکس، ميسايد هولډينګ کمپنۍ او راس لفان. ايران ويلي چې بايد دا ځايونه سمدستي خالي کړل شي مخکښې له دې چې بريد پرې وشي.