ډي ائي خان، د مولانا اسجد محمود د اسکواډ ګاډے حادثې سره مخ، 2 رضاکار مړۀ
ډي ائي خان( وحدت خبر) ډېره اسماعيل خان کښې د جمعيت علمائے اسلام (ف) مشر مولانا فضل الرحمان زوی مولانا اسجد محمود د اسکواډ ګاډی حادثې سره مخ شوےدے. د حادثې په نتيجه کښې 2 کسان مړه شول او 1 کس ژوبل شو۔ د پېښې د علتونو په اړه د اړوندو ادارو تحقيقات روان دي۔ د پوليس په وينا دا پېښه د وانډه يارک سره نزدې رامنځته شوه، چرته چې د انصار السلام 2 رضاکار په موقع مړه شول او 1 کس ژوبل شو۔ مړه شوي کسان د ضلع لکي مروت سره تعلق لرلو۔ د حادثې سمدستي وروسته ريسکيو ټيمونو مړي او ژوبل کسان نزدې اسپتال ته منتقل کړل، چرته چې ژوبل کس ته طبي امداد ورکړے شو۔ پوليس ووئيل چې د حادثې د وجوهاتو معلومولو لپاره تحقيقات روان دي او شواهد راټولولے شي۔
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
