په کوهاټ کې مېشت ګڼو افغان کډوالو سېمکارټونه بند شوي
کوهاټ ( نعمت الله خان )
په کوهاټ ولسوالۍ مېشت افغان کډوال وايي، د پاکستان مخابراتي اداره ( پي ټي اې ) لخوا يې د موبايل سېمکارټونه تړل شوي، چې له يې کبله کډوال په ورځني ژوند چارو کې له ستونزو سره مخ دي.
دغه کډوال زياتوته ، چې د يو فون ، جاز او ټلي نار نومې د موبايلو شبکو هغه سېمکارټونه يې تړل چې دوی ته په پروف اف رجسټرېشن ( پي او ار ) او افغان سېټزن کارت ( اې سي سي ) باندې پرانېستل شوي ول.
د دغو کډوالو په خبره، چې د سېمکارټونو په تړل کېدو سره دې دوی کاروبار او له خپلو خپلوانو سره په اړيکه نيولو کې له ستونزو سره مخ شوي.
کډوال دا هم وايي، چې اوس د پاکستان حکومت هغه ټولې اسانتياوې ورڅخه بېرته اخېستل کېږې کومې چې افغان کډوالو ته ورکړل شوې وې.
ياده دې وي، د پاکستان مخابراتي ادارې افغان کډوالو ته د يو پيغام له لارې خبرداری ورکړی و چې د کډوالو په پېژند پاڼو پرانستل شوي سېمکارټونه به يې ژر وتړل شي.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
