شکار پور کښې ټرک اودۀ مزدوران وچقول،7 مړۀ

 شکار پور کښې قومي سړک بائي پاس باندې تېز رفتار ټرک د سړک غاړه ويده مزدوران چقولي دي چې له امله يې 7 تنه په ځائے وژل شوي او 6 نور ټپيان شوي دي.   پوليس وائي دا د افسوس وړ پېښه هغه وخت رامنځته شوه، کله چې له سبزيو ډک ټرک ناڅاپه بې کنټروله شو او د سړک غاړه پۀ اودو مزدورانو ته  وروختو د پېښې خبر ترلاسه کېدو سره سم، ريسکيو ډلې او پوليس موقعې ته ورسېدل، له کوم ځايه چې د مړو کسانو مړي او ټپيان زر تر زره سول روغتون شکارپور ته منتقل کړل شول، چرته چې ټپيانو ته طبي مرسته ورکول کېږي. پوليس چارواکي وايي چې د ابتدايي پلټنو له مخې دا حادثه د تېز رفتارۍ له امله شوې ده. ټرک پوليسو قبضه کې اخيستي او د ډرائيور تلاش روان دي. پوليس وايي چې د مکملو تحقيقاتو وروسته به د پېښې د اصلي وجې په اړه فيصله وشي. بل لور ته، د سندھ وزيراعليٰ مراد علي شاه د شکارپور د پېښې له امله د مزدورانو په مرګ د افسوس اظهار کړي او ويلي ئې دي چې ټپيانو ته دې غوره طبي امداد ورکړل شي. هغه د سکھر کمشنر ته هدايت کړے چې د متاثره کورنيو هر ډول مرسته دې وشي. وزيراعليٰ د تېز رفتارۍ ذمه وار ډرائيور او د ټرک مالک خلاف د قانوني کاروايۍ امر هم کړے دے. هغه د مړو شويو کسانو لپاره د درجې لوړولو دعا کړې او د هغوي کورنيو ته د صبر دعا هم کړې ده.