کوهاټ ، اېډز ناروغۍ مخنيوي په اړه د عامه پوهاوي نړيواله ورځ ونمانځل شوه

کوهاټ (نعمت الله خان) د  کوهاټ په ضلعي روغتون کښې د اېډز ناروغۍ د مخنيوي او عامه پوهاوي نړيواله ورځ ونمانځل شوه.  دغه غونډه د اېډز مخنيوي پروګرام څانګې له خوا تابيا کړل شوې وه.

د غونډې په مهال د کوهاټ ملکي روغتون مشر، ډاکټر طاهر علي شاه، په خپله وينا کښې وويل د اېډز ناروغۍ په اړه عامه پوهاوی ډېر مهم دی او خلکو ته بايد د ناروغۍ د مخنيوي لارو چارو په اړه معلومات ورسول شي.

په نمانځغونډه کښې د اېډز مخنيوي څانګې مسووله  سلما او ګڼ شمېر روغتيا پالانو ګډون کړی و. روغتيايي متخصصينو د غونډې ګډونوالو ته د اېډز د مخنيوي په اړه مهمې سپارښتنې وړاندې کړې او ټينګار یې وکړ چې د ناروغاني د تداوي پر مهال دې له هغو وسايلو څخه ډډه کړای شي چې د ناروغۍ د خپرېدو احتمال پکې وي.

د راپورونو له مخې، په خيبر پښتونخوا کښې د تېر کال په پرتله د اېډز د ناروغۍ پېښې دوه سلنه زياتې شوې دي. د روغتيا نړيوال سازمان (ډبليو اېچ او) په سپارښتنه چې د ناروغۍ د کنټرول لپاره خوندي جنسي اړيکې، پاک جراحي وسايل، او د ناروغانو پر وخت درملنه خورا اړينه ده.

د ډاکټرانو وينا، هغه کسان چې پر وخت د تداوي وکړي او درمل په خوړولو سره يې ناروغي کنټرول کېدلای شي.