دايران جوهري تنصيبات مو ختم کړل، امريکائي صدر،دايران دامريکائي حملو تصديق

دامريکې صدر ډونلډ ټرمپ وئيلي دي چې په حملو کښې دايران فردو، نطنز اؤ داصفهان جوهري تنصيبات په نخښه کړے شويدي.

 په واشنګټن کښې  پخپله وينا کښې ډونلډ ټرمپ ووئيل  دامريکې مقصد دايران دجوهري افزودګۍ  صلاحيت ختمول وو.

 دۀ ووئيل  چې  دايران تنصيبات مو ختم کړيدي، ايران ته اوس امن قائمول پکار دي، دامن نۀ قائمولو صورت کښې  به په مستقبل کښې  حملې ډيرې زياتې سختې وي.

امريکائي صدر ووئيل چې  په ايران دحملې لپاره مو دنيتن ياهو سره دټيم په توګه کار کړے دے، اوس به يا خو امن وي اؤ يا به دايران لپاره سانحه وي. دۀ ووئيل چې  دنن شپې اهداف ترټولو مشکل وو، ډير اهداف پاتې شويدي، کۀ امن رانغلو نو په درستګۍ سره به په ټولو اهدافو پسې شاته ورځو.

 بلخوا   ايران په جوهري تنصيباتو دامريکائي حملو تصديق کړے دے،

دميډيا رپورټ ترمخه ديو ايراني عهديدار وينا ده چې  په ايران ددشمنو په فضائي حملو کښې فردو جوهري سائټ په نخښه کړے شوے دے.

 ايراني عهديدار وئيلي دي چې  داصفهان اؤ نطنز جوهري سائټونو سره نزدې حملې شويدي، دفردو ايټمي تنصيب داخلي اؤ خارجي برخې ته زيان رسيدلے دے

. ايراني چارواکو وئيلي دي چې  دحملې نه وړاندې  دريواړه ايټمي تنصيبات خالي کړے شوي وو، په نخښه کړے شوو سائټونو کښې کوم مواد نۀ وو چې داخراج سبب جوړ شي.

په په حملو ردعمل کښې داصفهان نائب ګورنر اکبر صالحي وينا ده چې  دجارح اهدافو په نخښه کولو لپاره اصفهان اؤ کاشان کښې ايئر ډيفنس نظام فعاله شوے ؤ، اخوا امريکائي صدر وئيلي دايران فردو ايټمي تنصيب مکمل تباه کړے شوے دے.