بلوچستان کښې 21 ترهه ګر ووژل شول،4 ګرفتار

په بلوچستان کښې دامنيتي ځواکونو اؤ ترهه ګرۍ دمخنيوي  ادارې  لخوا په کوئټه، شيراني اؤ کيچ ضلعو کښې ترسره شوو عملياتو کښې 21 مشکوک ترهه ګر وژل شويدي.

 دښځو په جامو کښې   په خضدار کښې څلور ترهه ګر نيول شوي هم دي. ددې نه يوه ورځ وړاندې  په کوئټه کښې دپشين اسټاپ سره نزدې  په يوه خودکش  حمله کښې ددرې ايف سي اهلکارو پشمول يوولس کسان شهيدان اؤ داتوو اهلکارو اؤ پينځوو زنانه ؤ پشمول ٣٥ کسان ژوبل  شوي وو.

 چارواکو په وينا، د کوئټې په څنډه کې د  اغبرګ  په سيمه کې يو عمليات ترسره شو، کله چې دوي ته د ترهګرو د موجوديت په اړه معلومات ترلاسه شول.

د سي ټي ډي  يوې ډلې سيمه محاصره کړه، چې له امله يې وسله‌والو ترهګرو ډزې وکړې. د امنيتي ځواکونو لخوا مقابله وشوه او دواړو خواوو تر منځ سختې نښتې شاوخوا يو ساعت دوام وکړو، چې پکې  خودکاره وسله وکارول شوه.

 دسي ټي ډي وياند وويل: "د دې جګړې په پايله کې لس ترهګر پر ځاي ووژل شول"، نوموړي زياته کړه چې دوه امنيتي سرتېري ټپيان شوي، او روغتون ته لېږدول شوي دي. له سيمې څخه زيات شمېر وسلې، مهمات، چاودېدونکي مواد، او نور وسايلات نيول شوي دي. وژل شوي ترهګر لا هم نه‌دي پېژندل شوي. نورې پلټنې روانې دي.

په يوه جلا عملياتو کې چې د شېراني ولسوالۍ کې ترسره شول، امنيتي ځواکونو د  فتنه الخوارجو د يو شکمن کيمپ پر ضد عمليات وکړل، چې پکې  اته ترهګر ووژل شول  چارواکو تاييد کړې چې له سيمې څخه پرمختللې وسلې، مهمات، او نور وسايل ترلاسه شوي دي.