د ميا عاصم کاکاخيل ايډوکيټ په قتل په ټوله صوبه کښې د وکيلانو دعدالتونو نه بائيکايټ
په چارسده ضلع کښې دسينئر قانون دان دزوې ميا عاصم کاکاخيل ايډوکيټ په قتل په ټوله صوبه کښې وکيلانو دعدالتونو نه بائيکايټ کړے دے، دهړتال په وجه يو وکيل هم عدالت ته نۀ دے پيش شوے چې له امله ئې سائيلين دمشکلاتو سره خ شويدي، بار کونسل وئيلي دچارسدې پوليس دلاسه بې ګناه وکيل ميا عاصم کاکاخيل پخپله حجره کښې قتل کړے شوے دے، دوکيلانو وينا ده چې پوليسو دمقتول خاندان ترڅو ګينټو په ناجائزه قيد کښې ساتلے اؤ په اخره کښې ئې دپوليس مقابلې ډرامه جوړه کړې ده. دپېښورهائيکورټ بار صدر امين الرحمان يوسفزئي وئيلي دي چې مجرمان دې داحتساب سره مخ کړے شي، وکيلانو دائي جي پي اؤ چارسدې دډي پي او نه غوښتنه کړې ده چې په فوري توګه دې ايف ائي ار کښې نامزد ايس ايچ او ګرفتار کړے شي. دوي وئيلي دي چې دحقائقو مخې ته راوړلو لپاره دې جوډيشل انکوائري وکړے شي چې دغه ضان دانصاف تقاضې پوره شي اؤ ملزمان خپل انجام ته ورسيږي.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
