دپېښور دميټرک بورډ نتيجې، ديو سکول جينکو زده کوونکو وړومبۍ درې پوزيشنې واخستې

 په پېښور کښې ديو سکور دريوو جينکو زده کوونکو دميټرک بورډ امتحانونو دوړومبي، دويم اؤ دريم پوزيشن اخستو سره ټول حيران کړيدي.

 دپېښور ميټرک بورډ لخوا دکليز امتحان ٢٠٢٥م دنتيجو اعلان شوے دے چې پکښې دکاميابۍ تناسب ٨٣.٥ فيصده پاتې شوے دے.

په حيرانونکې توګه دوړومبي، دويم اؤ دريم پوزيشن ترلاسه کوونکو جينکو زده کوونکو تعلق دپېښور ماډل سکول ګرلز برانچ-٢م سره ختلے دے،فاطمه جګنو په ١١٨٠ نمبرو ترلاسه کولو سره وړومبے، ساره عمران په ١١٧٨ نمبرو اخستو سره دويم  پوزيشن ترلاسه کړے دے، همد ددې سکول يوې بې زده کوونکې دريم پوزيشن هم ترلاسه کړے دے چې پکښې يوسرا، شمائيله اؤ ائنه شعيب په ترتيب سره ١١٧٦ نمبرې اخستي دي.

دصوبائي حکومت لخوا وړومبي پوزيشن ترلاسه کړې زده کوونکې ته يو لک ٢٠ زره، دويم پوزيشن ترلاسه کوونکې ته د٩٠ زره اؤ دريم پوزيشن ترلاسه کوونکې زده کوونکې ته د٨٠ زره روپو انعامونه ورکړے شويدي.

 ددستاويزاتو له مخې دميټرک په امتحانونو کښې په مجموعي توګه ٩١ زره ٥٨٩ زده کوونکو برخه اخستې چې پکښې ٧٦ زره ٤٨٤ کامياب ګرځول شويدي.