مستونګ،يوه هفته وړاندې دبې درکه شوي ډي ايس پي لاش برامد

د نوشکي پوليس يو لوړپوړے افسر، چې له يوې اوونۍ راهيسې لادرکه و، جسد ئې د مستونګ  ضلعې د کردګاب سيمې نه موندل شوے دے۔ د ډان  ورځپاڼې د راپور له مخې، ډي‌اېس‌پي محمد يوسف ريکي د تېرې اوونۍ په پای کښې له نوشکي نه کوئټې ته روان و، چې د لارې نه ورک شو۔ د پوليسو په وينا، نامعلومو وسلوالو کسانو ډي‌اېس‌پي محمد يوسف ريکي د کرګينه په سيمه کښې هغه وخت تښتولے و، کله چې هغه په سفر و۔ د امنيتي ځواکونو له خوا د لادرکه افسر د لټون لپاره د سيمې نه پلټنه پيل شوه، خو هغه ونه موندل شو۔د مستونګ د ادارې يوه چارواکي وويل چې سيمه‌ ايزو چارواکو ته د يو  بې‌درکه مړي خبر ورکړل، پوليس کردګاب ته ورسېدل، مړی ئې خپله ولقه کښې واخيستو او د قانوني کارروايۍ لپاره ئې د کوئټې  روغتون ته يوړو۔ د کردګاب د پوليسو د اېس‌اېچ‌او غلام سرور په وينا، وژل شوي افسر د سر او د بدن په نورو برخو  د ډزو زخمونه  لرل پوليسو وويل چې ډي‌اېس‌پي ريکي   پنځه ورځې وړاندې، د شنبې او يکشنبې تر منځ شپه له نوشکي نه خپل کور ته روان و، خو نامعلومو وسلوالو کسانو د مستونګ او سوراب تر منځ د کردګاب سيمې ته نزدې د هغه موټر ودرولے او له موټر سره يو ځائے  ئې تښتولے و۔

د تښتونې څو شېبې مخکښې، ډي‌اېس‌پي محمد يوسف ريکي خپلې مېرمنې ته ټيليفون کړے و او ويلي ئې وو چې وسلوالو کسانو د ده مخه نيولې ده، بيا ورسره اړيکه پرې شوه۔

د لومړنيو پلټنو له مخې، افسر يوازې په سفر و، له ده سره امنيتي ساتونکي نه وو او ده د قومي لويې لارې پر ځائے يو لنډ خو له خلقو تش او غرنۍ لاره غوره کړې وه۔ د ده موټر تر اوسه نه دے موندل شوے۔