پاکستان دامريکې اؤ ايران ترمينځ دمذاکراتو کوربتوب ته امادګي څرګنده کړه

پېښور: د پاکستان وزيراعظم د منځني ختيز د جګړې د ختمولو لپاره روانو خبرو اترو هڅې ستايلې او دمسئلې دحل لپاره ئې  دکوششونو دجاري ساتلو عزم څرګندکړےدے.

وزيراعظم شهباز شريف په ټولنيزو رسنيو  پخپل بيان کښې ويلي، چې پاکستان د سيمې د امن او ثبات په خاطر د منځني ختيز د شخړې د پای ته رسولو لپاره د روانو خبرو اترو هرکلے کوي او پوره ملاتړ ئې کوي.

هغه زياته کړه چې  د  امريکا او ايران  درضامندۍ نه پس  پاکستان تيار  دے چې د دې روانې لانجې د يو جامع حل لپاره د اغېزناکو مذاکراتو د اسانتيا برابرولو او کوربه‌توب  ذمه واري پۀ  غاړه واخلي.

وزيراعظم دا هم ويلي چې پاکستان ته دا يو وياړ دے چې په دې مهمه مسئله کښې د منځګړي رول ولوبوي.

تر دې وړاندې دپاکستاني پوځ سرلښکر فيلډ مارشل حافظ سيد عاصم منير د امريکا صدر ډونلډ ټرمپ سره ټيليفوني خبرې کړې وې، چې د سپينې ماڼۍ وياندې هم د دې تماس پخلے کړے دے.

نړيوالو رسنيو هم راپور ورکړے چې د ايران ستر مشر مجتبی خامنه‌يي د امريکا د صدر له خوا د مذاکراتو وړانديز ته مثبت  ردعمل ښودلے او د خبرو اترو لپاره ئې  امادګي څرګنده کړې ده.