باجوړ کښې په کور دمارټر ګولې لګيدو له امله درې کسان مړۀ
) باجوړ کښې پۀ يو کور دمارټر ګولې لګيدو له امله يوه ښځه او دوه ماشومان وژل شوي دي. سرچينې وايي چې دا پېښه د باجوړ د ماموند تحصيل ايراب سرکې سيمه کښې رامنځته شوې، چيرته چې له نامعلوم لورې راغلې دمارټر ګوله پۀ استوګنيز کور لګېدلې ده. د ګولېد لګېدو له امله يوه ښځه او دوه ماشومان وژل شوي، او دوه نور کسان ټپيان شوي، چې سمدلاسه روغتون ته انتقال کړل شوي دي. بل لور ته د وژل شويو کسانو خپلوانو د مړو د ښخولو نه انکار کړے او د پېښې پر ضد ئې د احتجاج اعلان کړے دے. د شهيدانو کورنۍ وائي چې د پېښې پوره ذمه واري پۀ حکومت ده، او نن به د مړو جسدونه سړک ته راوباسي او قوي احتجاج به وکړي. د وژل شويو خپلوانو دا تور هم لګولے چې بې ګناه خلق عمداً په نخښه کېږي.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
