دپاکستان پاکستاني سفارتخانه کښې دازادۍ دورځې په مناسبت درنه دستوره

کابل( وحدت خبريال)  دکابل په پاکستاني سفارتخانه کښې  دازادۍ دورځې اؤ معرکه حق  دفتحې  اؤ کاميابۍ په لړ کښې يوه درنه  دستوره راجوړه کړے شوې ده.

په دې لړ کښې  دکابل پاکستاني سفارتخانې لخوا جاري کړے شوي پريس ريليز ترمخه  پاکستاني سفير عبيدالرحمان  نظاماني  دپاکستان دقومي بيرغ خيژولو دستورې ته په وينا کښې ووئيل چې   ټول پاکستاني قوم دازادۍ ورځ  اؤ هند په ضد په معرکه حق کښې دترلاسه کړے شوې تاريخي  فتحې جشن لمانځي.  

عبيدالرحمان نظاماني ووئيل چې دا کاميابي دپاکستان دهاغه عزم اؤ حوصلې  څرګندونه ده  چې  دهند  دپرانستي جارحيت خلاف ئې  کړې ده.

 دپاکستان قوم دخپلو وسله والو فوجونو سره په مضبوطۍ سره ولاړ دے اؤ دوطن  دجغرافيائي اؤ نظرياتي سرحدونو دتحفظ دعهد تجديد کوي.

 سفير نظاماني دقائداعظم محمد علي جناح بصيرت افروز قيادت اؤ دتحريک ازادۍ   دسرشيندونکو  عظيمو قربانيو ته دعقيدت پيرزوئينې وړاندې کړې اؤ  هاغو شهيدانو ته ئې  سلام پيش کړو چې دقربانيو په سبب ئې نن مونږ دازادۍ  دنعمت نه فيض ياب يو.

دۀ دا خبره تکرار کړه چې دازادۍ جدوجهد نن هم دبهارت غيرقانوني زيرقبضه جمو او کشمير کښې روان دے چرته چې کشميري عوام دظلم اؤ جبر خلاف  دخپلې خپلواکۍ  دحق لپاره هلې ځلې کوي، پاکستان به دکشميري اولس  دمنصفانه جدوجهد کوټلے ملاتړ جاري ساتي.

 نظامي دسفارتخانې  په افسرانو اؤ عملې هم زور راوړو چې هغوي دې ديو مضبوط، خوشحاله اؤ مستحکم پاکستان دتعمير لپاره  دخپل تړون تجديد وکړي.

 ددستورې په دوران دپاکستان دصدر اصف علي زرداري،وزيراعظم شهبازشريف اؤ نائب وزيراعظم خارجه وزير محمد اسحاق ډار پيغامونه هم واورولے شول.