خيبر پښتونخوا کې افغان کډوالو له ايالتي محکمې څخه د بېرته ستنېدو لپاره وخت غوښتی

کوهاټ ( نعمت الله خان )په خيبر پښتونخوا مېشت افغان کډوالو مشرانو د متحده عالي شورا په نوم د کډوالو د حقوقو يوې ټولنې په دغه ايالت کې له سترې محکمې ( های کورټ ) ته عريضه کړې چې د بېرت خپل هېواد ته ستنېدو لپاره دې وخت ورکړل شي.

د دغې شورا مشر بريالي مياخېل او د افغان تجارانو يو مشر نقيب الله پاچا سره د يو شمېر کډوالو په ملتيا پېښور کې ايالتي محکمې مشر قاضي ته د مدافع وکيل لخوا خواست کړی چې په دغه ژمي موسم کې د افغان کډوالو بېرته ستنېدلو کې له ننګونو سره به مخ شي او په افغانستان کې ژمي موسم پيل شوی د سختې يخنۍ او په ډېرو سيمو کې واورې وارېدو له کبله به کډوالو  ماشومان، ښځينه او سپينږي مشران له ژوند ګوښوونکي ناورين سره مخ کېدلای شي.

د کډوالو لخوا په ليکل شوي عريضه کې له مشر قاضي غوښتنه کړې چې حکومت پاکستان د ورته د بشردوستي له مخې دومره وخت ورکړي چې کډوال ژمی موسم تېر کړي او په دغه موده کې به کاروبار کوونکي افغان کډوال خپلې شتمنۍ راوټولي کړي.

بلخوا د پاکستان کورنيو چارو وزات ويلي، افغان کډوال دې ژر تر ژر خپل هېواد ته ستانه شي نور په پاکستان کې د دغو کډوالو پاتې کېدو موده پای ته راسېدلې او په خيبر پښتونخوا کې د کډوالو کمپونو ناقانونه ګرځول شوي.

حکومت زياتوي، د بېرته ستنېدونکي کډوالو سره به هر ډول مرسته کولای شي چې په باعزته توګه خپل هېواد ته ستانه شي.