غزه کښې د اسرائيلي بمبارۍ تازه لړۍ کښې 89 فلسطينيان شهيدان

) د غزې په محاصره شوې سيمه کښې د اسرائيلو له لوري وحشيانه بمبارۍ دوام لري، چې له امله يې د مرستې  طمعه  لرونکو 31 کسانو په ګډون نور 89 فلسطينيان شهيدان او 513 نور ژوبل شوي دي. د قطر خبري شبکې الجزيرې د راپور له مخې، د غزې د روغتيا وزارت ويلي چې د سختې خوړو کمښت او لوږې له امله دوه ماشومان په ګډون پنځه نور فلسطينيان خپل ژوند له لاسه ورکړے، او ملبې څخه د ۱۱ تنو جسدونه هم راايستل شوي دي. له دې سره د ۲۰۲۳ کال د اکتوبر له اوومې نېټې راهيسې د شهيدانو شمېر *۶۱،۵۹۹* ته رسېدلے دے.  بل خوا، مصر حماس ته د يو جامع اوربند او بنديانو د تبادلې وړانديز کړي دي. د اسرائيلو دولتي رسنۍ راپور ورکوي چې د حماس يو پلاوے قاهره ته رسېدلے څو د داسې يو نوي اقدام په اړه خبرې اترې وشي چې له مخې به حماس د خپلو ټولو ۵۰ اسرائيلي اسيرانو (ژوندي او مړي) خوشې کول او وسله ايښودل ومني، او په بدل کښې به د غزې جګړه بنده شي او فلسطيني اسيران خوشې شي. د سيمې له سياسي تحرکاتو سره هممهاله، د سعودي ولي عهد شهزاده محمد بن سلمان او د فلسطين اولسمشر محمود عباس تر منځ ټيليفوني خبرې شوي، چې پکښې د راتلونکې سولې غونډې په اړه تفصيلات تبادله شوي دي. په عين حال کښې، د پخواني جنوبي افريقايي ولسمشر نيلسن منډيلا له لوري جوړ شوي د مشهورو نړيوالو مشرانو ډلې *"دي ايلډرز"، چې پکښې د نړۍ پخواني ولسمشران او مشران شامل دي، د مصر د پولو له کتنې وروسته په خپل تازه بيان کښې د غزې روان وضعيت **نسل‌کُشي (Genocide)* بللې ده، او له نړيوالې ټولنې يې غوښتي چې پۀ اسرائيلي وزيراعظم بنيامين نتنياهو بنديزونه ولګوي.