جنوبي وزيرستان، دقبائيلي مشر دکورنۍ اؤ ترهه ګرو ترمينځ نښته، درنه مرګ ژوبله اوښتې

 جنوبي وزيرستان(  وحدت خبريال)  دقبائيلي رهنما ملک عاشق نور دقبيلې اؤ ترهه ګرو ترمينځ په نښته کښې  دمرګونو اطلاعات ترلاسه شويدي، دمقامي ذريعو وينا ده چې پېښه دژه غونډۍ په مقام شوې ده، دنښتې په نتيجه کښې دملک عاشق نور ورور زاهد  پحق رسيدلے  بل ورور مولا نور ژوبل شويدے، دذريعو وينا ده چې دډزو دتبادلې په دوران دوه زنانه هم ژوبل شويدي چې  هسپتال ته وړل شويدي. ذريعو وئيلي دي چې ترهه ګرو ته هم ددرنې مرګ ژوبلې اوښتو  اطلاعات دي.

 ذريعو وئيلي دي پېښه هاغه وخت وشوه کله چې  دملک عاشق نور ورور  دوانا بازار نه کور ته واپس روان ؤ چې په لاره کښې ترهه ګرو دهغه نه دکلاشنکوف تروړلو کوشش وکړو، په انکار صورتحال تاؤژن شو اؤ ملک عاشق نور ته فون شوے اؤ مرسته ترې طلب کړے شوې ده.

دملک عاشق  نور دملګرو په راتګ  دواړو خواؤ ته  دسختو ډزو تبادله شروع شوې ده، دعيني شاهدانو ترمخه دډزو سلسله په دمې دمې سره روانه ده چې پکښې وړې اؤ لوئې وسلې استعماليږي.

 دذريعو وينا ده چې په نښته کښې دملک عاشق نور يو ورور زاهد پحق رسيدلے اؤ بل ژوبل شوے اؤ هسپتال ته منتقل کړے شوے دے.

 دملک عاشق نور دوه ورورڼه صدارتي ايوارډ يافته ملک اسلم نور اؤ ملک خادين هم څو کاله وړاندې دترهه ګرۍ په پېښو کښې شهيدان شويدي.