پي ايس ايل 10: پېښور زلمي اسلام اباد يونائيټډ ته په 6و وکټو شکست ورکړو

دپاکستان سپر ليګ لسم ايډيشن په ٢٢م ميچ کې پېښور زلمي اسلام اباد يونائيټډ ته په شپږو وکټو شکست ورکړے دے.

 اسلام اباد يونائيټډ پېښور زلمي ته دګټې لپاره د١٤٤ رنز هدف ټاکلے ؤ کوم چې  پېښور زلمي  د کپتان   بابراعظم او د معاذ صداقت  دففټيانو په سبب دڅلورو وکټو په نقصان په 16٫4 اورونو کې په اسانۍ سره ترلاسه کړو.

 دهدف په تعاقب کې دپېښور زلمي اغاز ښه نه ؤ، اوپننګ بيټر مچل اوون او صائم ايوب په ترتيب سره شپږ او يو رن جوړ کړے اؤ پويلين ته رخصت شويدي، محمد حارث هم صرف دولس رنز جوړ کړيدي

 په 38 رنز ددريوو وکټو پريوتو وروسته کپتان بابراعظم او ځوان بيټر معاذ صداقت  په ذمه وارۍ او تيزرفتارۍ سره بيټنګ کړے اؤ سکور ئې 140 ته رسولي دي.

 د140 په مجموعي سکور معاذ صداقت  دنسيم شاه ښکار شو، هغه په تيزرفتارۍ سره لوبه کړې او په 33 بالونو يې 55 رنز جوړ کړيدي.

کپتان بابراعظم 53 او ميکس برائنټ 4 رنز باندې ناټ اوټ پاتې شوے دے.

 داسلام اباد يونائيټډ لخوا کائيلي ميئرز، بين ورشوس، نسيم شاه او ريلي ميريډتهـ يوه، يوه وکټه ترلاسه کړې ده.

له دې وړاندې  دلاهور قذافي اسټيډيم کې لوبول شوي ميچ کې اسلام اباد يونائيټډ کپتان شاداب خان دټاس ګټلو وروسته  دوړومبي بيټنګ فيصله کړې، صاحبزاده فرحان او کائيلي ميئرز ټيم ته د58 رنز غوره اغاز ورکړى دى.