امريکا کښې نوے تاريخ رقم شو، ظهران ممداني دنيويارک وړومبے مسلمان ميئر منتخب

نيويارک( ميډيا رپورټ)  د امريکا د نيويارک ښار د مېئر  د  چوکۍ لپاره په ټاکنو کښې د ډيموکراټ سوشلسټ مسلمان  اميدوار، ظہران ممداني،   کاميابي  ترلاسه کړې ده    د امريکا په تاريخ کښې دا لومړے ځل دے چې يو مسلمان او همداسې دومره ځوان کس دا څوکۍ ګټلې ده۔ ۳۴ کلن ظہران ممداني د تر اوسه ترلاسه شوو پايلو له مخې49.6 سلنه رايې خپلې کړې، په داسې حال کښې چې د هغه سيال، د نيويارک پخواني ګورنر، اينډريو کوومو، 41٫6 سلنه رايې ترلاسه کړې۔ کوومو ته د کرټس سلووا له شتون څخه تاوان ورسېدو، ځکه چې هغه سره له دې چې د ممداني او کوومو دواړو نه شاته پاتې شو، بيا هم په دوه عدده (يعنې لسو يا زياتو سلنو) کښې رايې ترلاسه کړې، چې دا چاره ښايي ممداني ته د ګټې سبب شوې وي۔ د نيويارک د مېئري د څوکۍ د ظہران ممداني د بريا خبر ډيسک HQ ورکړے۔ ممداني په خپل انتخابي منشور کښې دا وعدې کړې وې چې د کرايو کنګلول (منجمدول)، د ښار تر ادارې لاندې د خوراکي توکو دوکانونه جوړول، او بسونه د خلکو لپاره وړيا کول