بلوچستان اؤ خېبرپښتونخوا کښې دترهه ګرو حملې،7 اهلکار شهيدان
پوليسو او انتظامي چارواکو وئيلي دي چې د خيبر پښتونخوا سرښار پېښور ، کرک او د بلوچستان په مستونګ کښې په ترسره شوو دريوو حملو کښې د اېف سي اؤ پوليس ددوه افسرانو په ګډون اووۀ اهلکار او د يو ملکي ډرائېور پشمول درې عام وګړي شهيدان شوي او درې اهلکار ژوبل شوي هم دي.
دپېښور علاقې ورسک روډ باندې دډزو په يوه پېښه کښې دپوليس انسپکټر علي حسين پشمول درې کسان پحق رسيدلي دي.
دپېښور سينئر سپرنټنډنټ پوليس( ايس ايس پي) اپريشنز مسعود احمد ډان ته وئيلي دي چې انسپکټر علي حسين تيره شپه دخپلو دوه ملګرو سره په ګاډي کښې سفر کولو چې په دې دوران په دوه موټرسائيکلو سورو څلورو حمله کوونکو په هغوي ډزې وکړې چې په نتيجه کښې دريواړه پحق ورسيدل.
د ايس ايس پي ترمخه په حمله کښې تمانچه اؤ سب مشين ګنونه( ايس ايم جي) استعمال کړے شويدي، دۀ وئيلي دي چې دپېښې تفتيش روان دےاؤ په جيوفينسنګ کار روان دے.
بل لوري ته دکرک ضلعې دګورګورۍ تاڼې حدودو کښې دترهه ګرو لخوا دايف سي په يو ګاډي شوې حمله کښې دايف سي درې اهلکار اؤ دهغوي يو ډرائيور شهيدان شويدي.
ددې نه علاوه دبلوچستان په مستونګ سيمه کښې ديوې بمي چاؤدنې په سبب دايف سي ديو ميجر پشمول درې اهلکار شهيدان شوي اؤ درې نور ژوبل شويدي
ددې حملې ذمه واري بي ايل اے نومې کالعدم ډلې منلې ده.
دکورنيو چارو وفاقي وزير محسن نقوي، د خېبرپښتونخوا ګورنر فيصل کريم کنډي اؤ وزيراعلي سردار علي امين ګنډاپور پخپلو مختلفو بيانونو په کرک اؤ پېښور کښې دشوو حملو غندنه کړې ده.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
