خېبرپښتونخوا، مختلفو کارروائيو کښې دوه ترهه ګر ووژل شول

) د خيبر پښتونخوا  په جنوبي وزيرستان اؤ لکي مروت کښې دوه مطلوب  ترهګر په جلا جلا پېښو کښې وژل شوي  دي،  د "ډان" ورځپاڼې د خبر له مخې، د جنوبي وزيرستان په برمل تحصيل کښې پوليس چارواکو دعوه کړې چې د تحريک طالبان پاکستان (TTP) يو مهم قوماندان وژل شوے دے. چارواکي وايي چې "قاري حسين" د دوشنبې په ورځ د جنوبي وزيرستان په يوه لرې پرته سيمه، د برمل تحصيل په مربوطاتو کې د ډزو په يوه پېښه کښې وژل شوے دے. پوليسو دا کس د TTP يو مهم غړي ياد کړے، چې په امنيتي ځواکونو باندې بريدونو،  قلنګ اخستو، تښتونو او هدفي وژنو کښې  ئې لاس درلودو. بلخوا، د لکي مروت ضلعې د وانډا امير په سيمه کې هم د دوشنبې په ورځ يوه بله پېښه شوې ده، چې پکښې يو بل وسله‌وال وژل شوےدے. د پوليسو يو افسر ويلي، چې دا عمليات د سيمه‌ ييزو وسله‌والو کليوالو او د امن کمېټې له مرستې سره ترسره شول، کله چې دوي ته د فتنۃ الخوارج ډلې د ترهګرو د موجوديت راپور ورکړل شو. نوموړي زياته کړې، چې دا نښته د صدر پوليس تاڼې په حدودو کې شوې، هلته سخت فائرنګ شوي او بالاخره يو ترهګر وژل شوے دے.