د٢٠ؤ يورپي ملکونو دغيرقانوني افغان مهاجرو افغانستان ته دليږلو غوښتنه

 د يورپ شلو هيوادونو د يورپي کميسيون نه غوښتنه کړې چې غير قانوني افغان مهاجر بايد هر حال کښې بيرته خپلو هيواد ته واستول شي. د بيلجيم د کډوالو او هجرت وزيرې انيليئن وان بوسويټ له وينا سره سم، يادو هيوادونو په يو ګډ ليک کښې ټينګار کړے چې د افغان اتباعو د ستنولو لپاره دې بېړني ګامونه پورته شي، که دا عمل د رضا کارۍ له لارې وي او که په زوره.

په دغه ليک کښې شامل هيوادونه دا دي: اسټريا، بلغاريا، قبرص، چک جمهوريت، ايسټونيه، فنلنډ، جرمني، يونان، هنګري، آئيرلنډ، ايټاليا، ليتوانيا، لکسمبورګ، مالټا، نيدرلينډز، پولينډ، سلواکيا، سويډن او ناروے.

ياد هيوادونه وائي، له هغه وروسته چې طالبانو په ۲۰۲۱ کښې بيا واک تر لاسه کړو، له افغانستان سره رسمي تړون نشته، چې له امله ئې د افغان مهاجرو بيرته شړل ناممکن شوي. دا حالت د امنيتي اندېښنو سبب شوے او د خلقو باور د پناه غوښتنې پۀ پاليسۍ کم شوے.

په ليک کښې دا وړانديز هم شوے چې هغه افغانان چې خطرناک يا مجرم وګڼل شي، بايد د لومړيتوب پۀ اساس بيرته واستول شي. د دې هدف لپاره دې له طالبانو سره خبرې وشي او يو ګډ اروپايي پلاوے دې افغانستان ته واستول شي.