غزه، داسرائيلو حملو اؤ دخوراک کمي په سبب نور ٥٩ فلسطينيان شهيدان

دغزه دصحت محکمې ترمخه دقحط داعلان نه پس دغذائي کمي په وجه نور اتۀ فلسطينيان شهيدان شويدي چې پکښې دوه ماشومان هم شامل دي،  دقطري نشرياتي ادارې ادارې الجزيره درپورټ ترمخه داسرائيلو په حملو کښې په غزه کښې نور کم از کم ٥١ فلسطينيان شهيدان شويدي چې پکښې شپاړس هاغه کسان هم شامل دي چې دامداد منتظر وو. دطبي ذريعو وينا ده چې دجنوبي غزه ښار خان يونس شمال مغرب کښې داسداع عرلاقه کښې  اسرائيلي توپو دبې کوره خلقو خيمې په نخښه کړيدي چې پکښې شپاړس کسان شهيدان شويدي چې پکښې شپږ ماشومان هم شامل دي. په مينځنۍ غزه کښې دمغازي کډوالو کيمپ کښې يوځل بيا په کور داسرائيلو ډرون حمله کښې دوه کسان شهيدان شويدي، دخان يونس جنوب مشرق کښې دامداد منتظر  يو فلسطيني وګړے اسرائيلي فوج په ډزو سره شهيد کړے دے. همدغه شان يو بل عام وګړے چې دامداد لپاره تللے ؤو داسرائيلي کنټرول نتساريم کوريډور سره نزدې په ډزو ويشتل شوے دے. دفلسطين دصحت محکمې ترمخه  دتير يو شواروز په دوران  دغذائي کمي په وجه نور اتۀ فلسطينيان شهيدان شويدي چې پکښې دوه ماشومان هم شامل دي، دغه شان دانساني بحران داغاز نه تراوسه دشهيد شوو کسانو مجموعي شمير ٢٨١ ته رسيدلے دے.