غزه کښې دلوږې دلاسه ١٩٧ کسان مړۀ

په راګيره کړے شوې غزه کښې  داسرائيلي فوجونو دوحشيانه بمبارۍ اؤ قحط په نتيجه کښې  نور ١٠٢ فلسطينيان شهيدان شويدي چې پکښې څلور  دخوراک دکمي دلاسه مړه شويدي

دخوراک دکمي دلاسه دشهادتونو مجموعي شمير ١٩٧ ته رسيدلے دے چې پکښې ٩٦ معصوم بچي هم شامل دي

دغزه دصحت وزارت ترمخه دتير يو شوناروز په دوران داسرائيلو فضائي اؤ زمکنيو حملو کښې لږ ترلږه ٩٨ فلسطينيان شهيدان شوي اؤ ٦٠٣ ژوبل شويدي

 په شهيد شوو کښې ٥١ هاغه کسان هم شامل دي چې دامداد په انتظار کښې په ډاګه موجود وو.

 داسرائيلو لخوا په غيرملکي امدادي ادارو دبنديز نه پس دخوراک ورکړه  صرف داسرائيلو اؤ امريکا په کنټرول کښې  يقيني کولے شي.

 درپورټ ترمخه دخوراک دتقسيم په دوران داسرائيلي فوج اؤ امريکائي کانټريکټرز له لوري په قطار کښې ولاړو فلسطينيانو باندې دډزو پېښې رامينځته شويدي.

 دصحت دنړيوالې ادارې لخوا خبردارے ورکړے شوے دے چې ددولسو زرو نه زيات فلسطيني ماشومان دبدترين غذائي بحران سره مخ دي اؤ دطبي سهولتونو دکمي په وجه ددوي ژوند پهخطره کښې دے.

بل اړخ ته تيره ورځ داسرائيلو په حمله کښې دتباه شوې يوې ودانۍ نه دنورو دوه کسانو لاشونه ترلاسه شويدي

 د٧م اکتوبر ٢٠٢٣م نه شروع شوو اسرائيلي حملو کښې تراوسه د٦١زرو نه زيات فلسطينيان شهيدان شويدي چې پکښې زياتره زنانه، ماشومان او دپوخ عمر کسان شامل دي.