کوهاټ کې يوې ادبي ټولنې د ځايي شاعرانو ستاينې لړۍ پيل کړې

کوهاټ( نعمت الله خان )  په کوهاټ کې د( پام) په پښتانه ادبي ملګري نومې  يوې ادبي ټولنې د ځايي شاعرانو د ادبي هلو ځلو ستاينې لړۍ پيل کړې ده.  د "پام" نومې دغې ادبي ټولنې يو مشر ډاکټر شاکر اورکزي په خبره، د دغه ټولنه د کوهاټ په سيمه کې مېشت د پښتنو هرې سيمې شاعرانو په درانوي کې ادبي غونډې تابيا کوي دی زياتوي، چې شاعران د ټولنې هغه بااسعداده خلک دي، چې خپل ولس د ادب له لارې د نړۍ له نوري قامونه ورپېژني. شاعرانو تل د خپل مورنۍ ژبې له څخه د خپل ولس او ټولنې استازيتوب کړی.

په دغه وروستيو کې د يادې ادبي ټولنې په کوهاټ کې د دوو نامتو شاعرانو ممتاز علي خان  رهبر په درانوي کې يې پرتمينې غونډې ترسره کړې په دغه غونډو کې ګڼ شمېر شاعرانو او د ادب مينوالو ګډون کړی و.

  دغه راز شاعرانو د ښاغلي ممتاز علي خان خټک او سعيد رهبر د ادبي خدماتو په ليکلې مقالې واورولې او ويې ستايل د غونډې په پای کې يې  دواړه شاعران يې پر ډاليو او جايزو ونازول.

 د (پام) نومې ادبي ملګريو ټولنه وايي، د شاعرانو دغه ستاينې لړۍ به راتلونکي کې هم دوام ولري او وار په وار به ټول هغه شاعران ونازوي کوم چې د خپلې ژبې له لارې د ولس استازيتوب کوي.