په کوهاټ کې سېل ته تللي 7 ځوانان ناڅرګندو وسله والو په ډزو وژلي

کوهاټ ( نعمت الله خان) په کوهاټ کښې دډزو په يوه پېښه کښې اووۀ کسان وژل شوي دي  د پوليسو په وينا پېښه تېره شپه د اګست پر 16مې له کوهاټ  ضلعې څخه هنګو ته تلونکي سړک پرته سيمه ريګي شېنو خېلو کښې رامنځته شوې ده.   د پوليسو لخوا ليکل شوي رپورټ له مخې دغه کسان چې د کوهاټ سيلګرۍ سيمه تانده نومې اوبو بند يا ډېم ته تللي وو بېرته د واپسې پر مهال د ناڅرګندو وسله والو لخوا پرې ډزې شوې چې په پايله کې اوو کسان د پېښې پر ځاي مړه شوي او يو تن په  ژوبل  حالت کښې د پېښور روغتون ته انتقال کړے شوے. په کوهاټ کښې د ژغورنې  ادارې  ريسکو- 1122 له خوا په پېښه کښې د وژل شويو کسانو نوملړ کښې عبدالصمد، ساجد، يوسف، اشفاق،مصطفا، حمزه او ياسر ښودل شوي او د  عبدالرزاق نومې تن ټپي شوے. وژل شوي کسان ټول ځوانان وو او د کوهاټ محمد زۍ نومې کلي اوسېدونکي وو. د يادې پېښې په اړه د ځايي تاڼې پوليسو په سيمه کې پلټنيز عمليات پيل کړي او د پېښې  علت نه دی څرګند شوی خو په تړاو يې ناڅرګندو وسله والو پر ضد د ښار تاڼې پوليسو رپورټ ليکلے