څوک دې دخېبرپښتونخوا حکومت درانسکورولو جرائت وکړي

پېښور( وحدت خبر) دخېبرپښتونخوا وزيراعلى سردار علي امين ګنډاپور  پرانستے چيلنج ورکړے چې   څوک دې دخېبرپښتونخوا  حکومت درانسکورولو جرائت وکړي، په پينځم اګست به په صوبه کښې   داحتجاجي مظاهرې مشري کووم.

ډسټرکټ کورټس کښې دپيشۍ په موقعه ميډيا سره په خبرو کښې وزيراعلى ووئيل چې  په پينځم اګست به هرې ضلعې اؤ هرې حلقې نه عوام سړکونو ته راوځي،  دګرفتاريو اؤ پېشيو نه ويريدونکي نۀ يو، داحتجاجي مظاهرې مشري به پخپله کووم.

دۀ ووئيل چې په دې ملک کښې قانون په حرکت کښې نۀ دے، دملک دموجوده حالاتو جنګ عمران خان کوي. علي امين ګنډاپور ووئيل چې  دا ددروغو اؤ بې اساسه کيسونه دډير وړاندې نه روان وو، مونږ هميشه خپل ځان دقذانون مخې ته پيش کوو، مونږ دداسې پېشيو نه ويريدونکي نۀ يو.

 دۀ ووئيل چې زما خلاف دا کيس د٢٠١٦م نه روان دے، په دې کيس کښې هيڅ نشته، په ما پسې  وسله اؤ بوتلې اچول شويدي. ددې وړاندې وزيراعلى علي امين ګنډاپور دوسلې اؤ شرابو دبرامدګۍ کيس کښې داسلام اباد ضلعي کچهرۍ کښې دجوډيشل مجسټريټ مبشر حسن چشتي عدالت کښې ځان سرينډر کړے دے.

 عدالت دعلي امين ګنډاپور دګرفتارۍ ورانټ منسوخ کړے اؤ شوکاز نوټس ئې واپس اخستے دے، عدالت دوکيل د٣٤٢ بيان لپاره دسوالنامې فراهم کولو خواست هم منظور کړے دے. دسماعت په دوران د علي امين ګنډاپور وکيل  راجه ظهورالحسن عدالت ته ووئيل چې  نن ب مونږ خپل د٣٤٢ بيان نۀ ريکارډ کوو، عدالت دې اول دبري کيدو په درخواستونو دلائيل واوري، په دې حواله عدالتي فيصلې هم موجودې دي.