بنو کښې دپاک فوځ په قافله دترهه ګرو حمله،دليفټننټ کرنل پشمول دوه اهلکار شهيدان،پينځه ترهه ګر ووژل شول
د خيبر پښتونخوا د بنو ضلع کښې امنيتي ځواکونو پخپله قافله شوے بريد ناکام کړے او5 ترهګر يې وژلي دي، خو په دې پېښه کښې يو ليفټننټ کرنل او يو اهلکار شهيدان شوي دي.
د پاک پوځ د عامه اړيکو څانګې (آئی ايس پي آر) له خوا جاري شوي بيان کښې ويل شوي چې د فبرورۍ په ۲۱مه د بنو په سيمه کښې د استخباراتي معلوماتو پر بنسټ عمليات ترسره کېدل، چې پر مهال يې د امنيتي ځواکونو پر قافله د هند ملاتړي پراکسي “فتنه الخوارج” له خوا بزدلانه بريد وشو.
بيان زياتوي چې دغه عمليات په سيمه کې د ځانمرګي بريدګر په ګډون د خوارجو عناصرو د موجوديت د اطلاع پر بنسټ پيل شوي وو. د بارودو نه ډک موټر کې سپور ځانمرګی بريدګر د امنيتي ځواکونو مخکښې دستې پر وخت ودرولو او د هغه ناوړه ارادې يې شنډې کړې. د آئی ايس پي آر په وينا، د بريد موخه د بنو ښار کې بې ګناه ملکي وګړي او قانون نافذ کوونکي اهلکار په نخښه کول وو.
د پوځ وياند ويلي چې د عملياتو پر مهال د خوارجو پټنځايونه وموندل شول او د سختې نښتې په ترڅ کښې 5 ترهګر ووژل شول.
ترهګرو له بارودي موادو ډک موټر د مخکښې ډلې له يو ګاډي سره وجنګولو. په دغه بريد کې ليفټننټ کرنل شهزاده ګل فراز او سپاهي کرامت شاه د شهادت جام وڅښلو
د آئی ايس پي آر د معلوماتو له مخې، ليفټننټ کرنل شهزاده ګل فراز د خپلې زړورتيا له کبله پېژندل کېده او له مخکښينو مورچو څخه يې د خپلو سرتېرو مشري کوله.
بيان کې ويل شوي چې خوارج عناصر د روژې مبارکې مياشتې د تقدس پرواه نه کوي او د افغان خاورې په کارولو سره په پاکستان کې ترهګريزې کړنې ترسره کوي، چې دا څرګندوي له اسلام سره هېڅ تړاو نه لري.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
