داسرائيلي فوج کارروايۍ جاري، دوه ماشومان شهيدان،٥١ لاشونه برامد

غزه( ميډيا رپورټ) اسرائيل لا هم په غزه کښې د اوربند  دلوظنامې  پرله‌پسې سرغړونې کوي۔  تيره ورځ بيا د غزه ښار، بيت‌لاهيا او خان‌يونس په سيمو کښې هوايي بريدونه وشول او د توپخانې له لارې ډېر سخت ګولہ‌بار شول۔ په لوېديزه غاړه کښې هم حالات خراب شوي دي، هلته د قابض اسرائيلي پوځ په ډزو دوه ماشومان شهيدان کړل۔ په عملياتو کښې ګڼ خلق ژوبل شوي او سيمه کښې د کور په کور تلاشي روانه وه۔ د ملګرو ملتونو سرمنشي انتونيو ګوتريش د غزې اوربند تړون "ډېر نازک" بللے او له دواړو خواوو ئې غوښتنه کړې چې په بشپړ ډول دې درناوے وکړي، څو د امن د بيا راګرځېدو لپاره لاره هواره شي۔هلته په غزه کښې له يو  ټوليز  قبر (اجتماعي قبر) نه يو پنځوس  مړي راويستل شوي دي۔ همدارنګه د خان‌يونس نه د يو اسرائيلي يرغمال کس مړے هم ترلاسه شوے چې    اسرائيل ته به  وسپارل شي۔ د غزه د سول ډيفنس په وينا، لا هم لسګونه کورنۍ د ورانو شويو کورونو د ملبې لاندې بندې دي۔ د محدودې مشينرۍ او ډېرې تباهۍ له امله د ريسکيو ټيمونو لپاره ملبه پورته کول ډېر ګران شوي دي۔