دبارانونو له امله شوو پېښو کښې تراوسه 910 کسان مړۀ شويدي، رپورټ
نیشنل ډیزاسټر مینجمنټ اتھارټی (NDMA) وایی چی د روان پشکال له پیله تر اوسه 910 کسان مړه شوي او 1044 نور ټپیان شوي دي، یوازې په تېرو 24 ساعتونو کښې 3 کسان مړه شوي دي. د ډان نیوز د راپور له مخې، NDMA د بارانونو، سېلابونو او اړونده پېښو کی د مرګژوبلې ارقام خپاره کړي، چی له 24 جون څخه تر اوسه 910 کسان مړه شوي او 1044 ژوبل شوي دي. د شمېرو له مخې، 442 کسانو د سيندونو دسیلاب له امله، 252 د کورونو د نړېدو له امله، او 65 کسان د ډوبېدو له وجې ژوند له لاسه ورکړے دے. همداشان، 57 کسان د ناڅاپي سېلابونو او 11 نور د شدیدو بارانونو له امله مړه شوي دي. د NDMA په وینا، 25 کسان د زمکې ښوېدو، 23 د برېښنا لګېدو، او 24 کسان د اسماني بریښنا له کبله خپل ژوند له لاسه ورکړے دے
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
