دوزيراعلى سيلاب ځپليو ته دمعاوضو دورکړې يقيني کولو هدايت
دخېبرپښتونخوا وزيراعلي سردار علي امين ګنډاپور سيلاب ځپليو ته دمعاوضو ادائيګۍ يقيني کولو حکم کړے اؤ دشپږو ورځو ډيډلائن ئې ورکړے دے. دتفصيلاتو مخه دوزيراعلى سرار علي امين ګنډاپور په مشرۍ کښې ويډيو لنک اجلاس ترسره شوے دے چې پکښې دخزانې مشيرو چيف سيکرټري، سيکرټري ريليف، ډي جي پي ډي ايم اے اؤ سيلاب نه دمتاثره ضلعو ډپټي کمشنرانو ګډون کړے دے. اجلاس کښې دسيلاب متاثرينو ته په ادائيګۍ تراوسه دپرمختګ دضلعې په کچه دجائزې اخستو سره وزيراعلي متعلقه چارواکو ته دسيلاب متاثرينو ته دهرقسمه معاوضو ادائيګۍ لپاره دشپږو ورځو ډيډلائن ورکړے دے. وزيراعلى ګنډاپور ووئيل چې متاثرينو ته دې دمعاوضو په ادائيګۍ دکار رفتار تيز اؤ راتلونکي اتوار پورې دې متاثرينو ته دې دهرقسمه معاوضو ادائيګي يقيني کړے شي، دمړو شوو کسانو هاغه کم عمره بچي چې شناختي کارډ اؤ بينک اکاونټونه ئې نۀ شي جوړيدے، دوي ته دې دمعاوضو ادائيګۍ لپاره کوم قابل عمل طريقه کار جوړ کړے شي دۀ هدايت وکړو چې دزخميانو دتصديق دعمل زر مکملولو لپاره دې دصحت محکمې ټيمونه تعينات کړے شي
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
