اسرائيلي فوج په غزه ښار دقبضې لپاره اپريشن شروع کړے دے

Aug 22, 2025 - 23:06
 0  1
 اسرائيلي فوج په غزه ښار دقبضې لپاره اپريشن شروع کړے دے

 اسرائيلي فوج په غزه ښار دقبضې لپاره اپريشن شروع کړے دے اؤ  په خواؤشا  علاقه ئې دکنټرول دعوه کړې ده، چرته چې خواؤشا لس لکه فلسطينيان اباد دي. دفوجي ترجمان ترمخه  زيتون اؤ جباليه کښې هم فوج تعينات کړے شوے دے،  په لسو لکو د مشتمل ابادۍ علاقې نه  فلسطينيانو انخلا کړې ده،  بل اړخ ته  دغزه ښار چارواکو وئيلي دي چې اسرائيلي فوج لخوا دزمکنۍ کارروايۍ داغاز نه پس فلسطينيانو دغزه ښار نه کډې کول شروع کړيدي. دخبري ادارې رائټرز ترمخه   حماس الزام لګولے دے چې  اسرائيلي دمعصومو  اولسي وګړو خلاف دا بې رحمه جنګ جاري ساتل غواړي  اؤ په دې وجه هغوي په جنګ بندۍ کښې خنډونه پيدا کوي. دغزه پټۍ شمالي برخه کښې په غزه ښار کښې په لکونو فلسطينيان اباد دي   بلخوا  دبرطانيې، فرانس اؤ اټلي پشمول ٢١ؤ ملکونو داسرائيلو دمتنازعه منصوبې  مخالفت اعلان کړے دے. دوي داسرائيلو غندنه کړې اؤ دا ئې ناقابل قبول اؤ دعالمي قوانينو خلاف ورزي ګرځولې ده

What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0
حضرت يوسف حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي