پينډۍ کښې دغيرقانوني افغان کډوالو خلاف دپوليسو اپريشن،٧٦ ګرفتار
په پينډۍ ډويژن کښې دغيرقانوني افغان کډوالو خلاف پوليسو اپريشن کړے دے چې پکښې ٧٦ غيرقانوني ميشته افغان کډوال ګرفتار کړے شويدي، دپوليسو ترمخه په سرچ اپريشنو کښې يو زر درې سوه پينځه اويا کورونه، څلور سوه دولس دوکانونه، اتۀ ويشت هوټلونه چيک کړے شويدياؤ ديو زر اووۀ سوه نهه کسانو دکوائفو معائنه شوې ده، دراولپيندۍ ډويژن پوليسو کلر سيدان، روات، ګوجر خان، چونتره، دهميال اؤ کهوټه کښې سرچ اپريشن کړے دے. دګڼو کباړ خانو، بسونو اؤ ټرک اسټينډونو اؤ کرايه دارو کوائف هم چيک کړے شويدي. دپوليسو ترمخه دکوائف کرايه دارۍ اندراج نۀ کوونکو کسانو خلاف يوويشت مقدمې درج کړے شويدي، دپينډۍ پوليسو ترمخه دسرچ اپريشنو مقصد دامن وامان قيام اؤ دجرمونو مخنيوے دے
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
