اپريشن اؤ دمقامي ابادۍ  کډې کول په يو صورت هم دمنلو وړ نۀ دي,وزيراعلى هاؤس کښې جرګه

پېښور( وحدت خبر) دخېبرپښتونخوا دوزيراعلى سردار علي امين ګنډاپور په مشرۍ دال  پارټيز کانفرنس نه پس دامن وامان په اړه دعلاقائي جرګو دترسره کيدو سلسله شروع شوې ده، ددې لړۍ وړومبۍ علاقائي مشاورتي جرګه تيره ورځ په وزيراعلى هاؤس کښې ترسره شوې ده چې پکښې دضلع خېبر اؤ اورکزئي نه علاوه دټرائبل سب ډويژن دره ادم خيل اؤ حسن خيل قبائيلي مشرانو اؤ منتخب عوامي نمائندګانو ګډون کړے دےو په جرګه کښې ديادو علاقو ١٥٠ قبائيلي مشرانو، شپږو دصوبائي اسمبلۍ غړو، دريوو دقومي اسمبلۍ غړو اؤ يو سينيټر شرکت کړے دے، دوزيراعلى داطلاعاتو مشير بيرسټر محمد علي سيف، چيف سيکرټري شهاب علي شاه ا انسپکټر جنرل پوليس ذوالفقار حميد نه علاوه متعلقه کمشنرانو، ډپټي کمشنرانو اؤ پوليس چارواکو  ګډون کړے دے،  جرګې لاندې سفارشونه پيش کړيدي،  اپريشن اؤ دمقامي ابادۍ  کډې کول په يو صورت هم دمنلو وړ نۀ دي،  ترقي په امن پسې تړلې ده اؤ دامن بحالۍ سره به دترقۍ عمل تيز شي، دمعدنياتو پشمول دصوبې  څه قسمه وسائيل نۀ خو چا غوښتي، نۀ چاته ورکړے شويدي اؤ نۀ به چاته ورکړے شي، قبائيلي مشرانو وفاقي حکومت ته سفارش کؤے دے چې دافغانستان سره دمذاکراتو لپاره  دصوبائي حکومت اؤ قبائيلي مشرانو دجرګې ليږلو بندوست دې وکړے شي، دې لړ کښې  به جرګې ته ټوله مرسته اؤ وسائيل فراهم کولے شي. راتلونکې علاقائي جرګه به مهمند اؤ باجوړ کښې ترسره کيږي، دهغې وروسته به دريمه علاقائي جرګه شمالي اؤ جنوبي وزيرستان  کښې کيږي، اخري علاقائي جرګه به  کرمه کښې کيږي. ددې نه پس به دوزيراعلى مشرۍ کښې يوه ګرينډ جرګه کيږي.