نيويارک:ودانۍ کښې په ډزو دپوليس افسر پشمول څلور مړۀ،دحمله کوونکي خودکشي

 دامريکې دنيويارک ښار مرکزي علاقې مين هيټن کښې يوې لوړې ودانۍ ته يو وسله وال تن داخل شوے اؤ ناتاره ډزې ئې کړيدي چې په نتيجه کښې ئې ديو پوليس افسر پشمول څلور کسان وژل شوياؤ يو په تشويشناک حالت کښې هسپتال ته منتقل کړے شوے دے.

دنيويارک دميئر ايرک ايډمز وينا ده چې حمله کوونکي په ځان  هم ډز کړے اؤ هلاک شوے دے.

دنړيوالې خبري ادارې  اے ايف پي ترمخه دپوليسو کمشنر جيسکاټش ترمخه  حمله کوونکے په سي سي ټي وي فوټيج کښې دتور رنګ يو بي ايم ډبليو ګاډي نه دايم-٤ رائفل سره دراکوزيدو په حالت کښې ليدل شوے دکوم نه پس چې هغه ٣٤٥ پارک ايونيو کښې ودانۍ ته داخل شوے اؤ سمدستي ئې يو پوليس افسر په نخښه کړے دے، ددې نه پس هغه  دودانۍ لابي ته داخل شوے اؤ ډزې ئې کړيدي

 دپوليسو ترمخه حمله کوونکے د٣٣م منزل پورې دلفټ دلارې تللے دے چرته چې دروډن منيجمنټ دفترونه دي، هم هلته يې ډزې کړي اؤ بيا ئې په ځان هم ډز کړے چرته چې پوليس اهلکارو ته  دټوپک ترڅنګ دهغه مړے هم ترلاسه شوے دے.