دترهه ګرۍ داوسنيو پېښو وروسته پاکستان افغانستان کښې کارروائي کولے شي، خواجه اصف
اسلام اباد( وحدت خبر) ددفاع وزير خواجه اصف وئيلي دي چې دترهه ګرۍ داوسنيو پېښو وروسته پاکستان افغانستان کښې کارروائي کولے شي، خواجه اصف ديو شخصي ټي وي په پروګرام کښې دخبرو په دوران دافغانستان لخوا دمداخلت په حواله دسختو تحفظاتو اظهار کړے دے. ددفا وزير واضحه کړې ده چې پاکستان به دترهه ګرۍ سيوا کيدونکې پېښې نۀ نظرانداز کوي اؤ کۀ چرې په افغانستان کښې دترهه ګرو دپناه ځايونو معامله نوره هم خرابه شوه نو پاکستان به کوټلې جوابي کارروائي کوي. دافغان طالبانو لخوا دترهه ګرو په پناه ځايونو دمبېنه خاموشۍ په اړه خواجه اصف ووئيل چې دافغان طالبانو غندنه اؤ يا دافسوس اظهار صرف لفظونو پورې محدود دے، دا دريښتينوالي ثبوت نۀ دے. ددفاع وزير ووئيل چې دترهه ګرۍ په اوسنيو پېښو کښې زياتره افغان ترهه ګر ککړ دي اؤ په پاکستان کښې دترهه ګرو هيڅ پناه ځائے نشته.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
