په هنګو کې مېشت افغان کډوال ستنولو لپاره عملیات پيلېږي

کوهاټ ( نعمت الله خان )د خيبر پښتونخوا سوېلي ولسوالۍ هنګو چارواکو ځايي خبريالانو ته ويلي، د افغان کډوالو د اېستلو لپاره عمليات پيلوي.

د هنګو انتظامي او امنيتي چارواکو لخوا مېشته افغان کډوالو ته د خبرتيا په موخه په جوماتونو کې اعلانونه ترسره شوي او په ټينګار سره ورته پيغام وکړل شوي چې خپل هېواد ته د ستانه شي او کمپونو د خالي کړي.

انتظامي چارواکو په خبره، عمليات به په درېيو پړاونو کې پيل شي، لومړي به بې اسناده مېشت افغانانو پرضد پوليس خپل لټون کوي ، دويم پړاو کې هغه کډوال چې په کرايي کورونو کې مېشت دي کاروبار او هټۍ لري نو و به اېستل شي.

 په درېيم پړاو کې په کمپونو کې مېشت کډوال به محاصره کېږي او  د دغه عملياتو په ترڅ کې ستنولاي شي.

بلخوا بيا د په کوهاټ او هنګو ولسواليو کې مېشت افغان کډوالو رسنيو ته ويلي، په سملاسي توګه نشي کولاي هېواد ستانه شي دوي زياتوي د پاکستان حکومت هره پرېکړه ورته د منلو وړ ده خو په افغانستان کې د ژمي موسم په راتلو سره د زيات ساړه له کبله نشي تللاي او ډېري افغان کډوال په کلونه پاکستان کې مېشت او ان زېږدلي دي چې په خپل هېواد کې د سر پناه ځاي هم نه لري.

د غه کډوال غوښتنه لري، چې پاکستان حکومت د ورته وخت ورکړي او په مناسب وخت او پاليسې له لارې د بېرته ولېږل شي.

د پاکستان حکومت  بيا وايي، چې په هېواد کې د ناامنۍ پېښې مخنيوي کولو لپاره له هېواد ټول هغه بهرنيو باسي کوم چې پرته له ويزې مېشت دي او له درېيو لسيزو ډېر وخت مېشت افغان کډوال هم ناقانونه ګرځولي د کډوالۍ حيثيت او کارتونه يې لغوه کړي او بېرته خپل هېواد افغانستان ته د ستنېدو امر ورته شوي دي چې هره ورځ په سلګونه کډوالې کورنۍ د تورخم او چمن له لارې افغانستان ته ستنېږي.