دعمر ايوب اؤ شبلي فراز پشمول دپي ټي ائي 9 قانون سازان نااهله کړے شول
دپاکستان الېكشن كمېشن قامي اسمبلۍ كښې د مخالفې ډلې د مشر عمر ايوب پشمول د 9 مئي په پيښو كښې د سزا شوو 9 پارليماني او صوبائي اسمبلۍ غړو د نااهلۍ نوټيفيكېشن جاري کړے اؤ دهغوي چوكۍ ئې خالي ګرځولې دي
نن دنهې په ورځ د الېكشن كمېشن لخوا جاري نوټيفكيشن ترمخه قامي اسمبلۍ كښې د مخالفې ډلې مشر عمر ايوب٬سينيټ كښې د مخالفې ډلې مشر سينيټر شبلي فراز٬قامي اسمبلۍ كښې پارليماني مشره زرتاج ګل٬ د سني اتحاد كونسل مشر صاحبزاده حامد رضا٬د پنجاب اسمبلۍ درې غړي د 9 مئي كسيز كښې په سزا كېدو الېكشن كمېشن نااهله كولو سره دغه چوكۍ خالي ګرځولې دي۔الېكشن كمېشن د قامي اسمبلۍ حلقه اين اے 175 مظفر ګړھ په چوكۍ د ضمني ټاكنو شيډول معطل كړے دے
داليکشن كمېشن ترمخه د هائي كورټ فيصلې په رڼا كښې په دې حلقه كښې د ضمني ټاكنو جاري شيډول معطل كړے دے.
په ٣١مه جولائي دفيصل اباد دترهه ګرۍ دمخنيوي عدالت دنهمې مئ دريوو مختلفو مقدمو کښې فيصلې اورولو سره دعمر ايوب اؤ شبلي فراز پشمول ١٩٦ ملزمانو ته سزاګانې اورولې وې. دترهه ګرۍ دمخنيوي عدالت وړومبے دنهمې مئ ددوه مقدمو فيصله اورولې وه چې پکښې ١٨٦ ملزمانو ته دلسو، لسو کلونو قيد سزاګانې اورول شوې وې.
دترهه ګرۍ دمخنيوي عدالت عمر ايوب، شبلي فراز او زرتاج ګل ته دلسو کلونو قيد سزا اورولې وه، دقامي اسمبلۍ غړي صاحبزاده حامد رضا ته هم دلسو کلونو دقيد سزا اورول شوې وه، جنيد افضل ساهي ته ددريوو کلونو قيد سزا اورول شوې وه.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
