دتورخم دلارې نور 2491 افغان کډوال وطن ته ستانۀ کړے شول

 لنډي کوتل ( وحدت خبريال) د پاکستان له ګوټ ګوټ نه، په ځانګړي ډول د افغان اتباعو د ستنولو او شړلو لړۍ روانه ده. د تازه شمېرو له مخې، د خېبرپښتونخوا د کورنيو چارو او قبايلي چارو محکمې خبر ورکړے چې د صوبې د مختلفو  ځايونو، په ځانګړي ډول د تورخم له لارې، پرون نور  2491 افغان وګړي** بېرته خپل هېواد ته استول شوي، چې پکښې 746 غيرقانوني مېشت افغانان  شامل وو.

د سرکاري شمېرو له مخې، تر دې دمه د خېبرپښتونخوا د سرحدونو له لارې  ۷ لکه ۴۳ زره نه زيات افغان وګړي  افغانستان ته ستانه شوي دي، چې پکښې  شپږ لکه 5 زره 992غيرقانوني مېشت کسان  شامل دي، همدارشان   89 زره 467 د رجسټريشن کارډ لرونکي مهاجر  او 48 زره 254 د افغان سټيزن کارډ لرونکي وګړي** هم بېرته لېږل شوي دي.

د کورنيو چارو محکمه وائي چې تر ټولو زيات غيرقانوني افغانان د  تورخم پوله  نه بېرته ستانه شوي، او له نورو ځايونو لکه اسلام‌اباد، پنجاب، آزاد کشمير او ګلګت بلتستان څخه هم 30 زره 694 افغان وګړي  ستانۀ شويدي  . دا لړۍ د صوبايئي حکومت او اړونده ادارو تر څار لاندې روانه ده، څو د افغان اتباعو قانوني او خوندي وتل يقيني کړل شي.