دپي ټي ائي په ٥م اګست داسلام اباد دمخې نۀ کولو فيصله

پاکستان تحريک انصاف په پينځم اګست داحتجاج لپاره لائحه عمل تيار کړے دے، دميډيا رپورټ ترمخه دپي ټي ائي ذريعو ترمخه په پينځم اګست به پېښور کښې حيات اباد  نه قلعه بالاحصار پورې ريلي ويستل کيږي چې دشپې پورې به جاري وي

 دپي ټي ائي دچئيرمين هداياتو ترمخه تحريک تحفظ ائين پاکستان اؤ تحريک انصاف قيادت په پينځم اګست  دپېښور ريجن لائحه عمل لاندينے دے. پېښور اؤ دخېبر ضلعو  کښې به ماذيګر درې نيمې بجې حيات اباد، رنګ روډ نه قلعه بالاحصار، پېښور پورې دوزيراعلى ، علي امين ګنډاپور په قيادت کښې ريلي ترسره کولے شي

.صوابۍ کښې به په امبار انټرچينج  مظاهرين راټوليږي  اؤ احتجاج به کوي، هغوي به په درې نيمې بجې خپل احتجاج شروع کوي اؤ دماسخوتنې لمونځ پورې به جاري وي. دنوښار کارکنان به خيراباد نوښار کښې راجمع کيږي اؤ  احتجاج به کوي، دا احتجاج به هم درې نيمې بجې شروع کيږي اؤ دماسخوتنې لمونځ پورې به جاري وي.

 دقامي اؤ صوبائي اسمبلۍ ټول غړي اؤ ټکټ هولډران به خپلو حجرو، ډيرو نه دخپلو جلسو ويډيوګانې جوړوي اؤ دريجن تنريم کښې به ئې وړاندې جمع کولو لپاره ضلعي تنظيم  کښې جمع کوي.