پاکستان افغان کډوالو ته د هېواد پرېښودلو امر وکړو

کوهاټ ( نعمت الله خان )په پاکستان کې هغو افغان کډالو ته هم د وتلو امر شوی کوم چې د ملګرو ملتونو د کډوالو په چارو کې عالي کمېشنرۍ ( يو اين اېچ سي ار ) لخوا ورکړل شوي د کډوالۍ ثبت ځانګړي کارتونه لري.

د پاکستان کورنيو چارو وزارت په يوه اعلامیه کې پوليسو او اړونده چارواکو ته امر کړی چې د (پروف اف رجسټرېشن۔ پی او ار ) نومې د کډوالۍ کارت لرونکي افغان کډوالو په پاکستان کې د پاتې کېدو موده د تېرې جون مياشتې پر 30نېټه پای ته رسېدلې دغه کډوال نور په پاکستان کې د پاتې کوم قانوني حثيت نه لري.

دغه اعلاميه کې ويل شوي له دغه وړاندې هغو افغان کډوالو ته امر شوی و کوم چې په پاکستان کې افغان سيټېزن ( اې سي سي ) کارت لرونکي ول.

د کورنيو چارو وزارت دغه امر د پاکستان ټولو اياتونو ( صوبو) ته کړی چې دغه کډوال د بايد خپل هېواد افغانستان ته بېرته ستانه کړای شي.

وزارت په خپله اعلاميه کې دا هم ويلي، چې د کډوالو ايستلو لپاره يې په هر ايالت (صوبه) کې د اخراج مرکزونه جوړ کړي له دغه مرکزونو له لاره د افغانستان ته ولېږدول شي.

د کورنيو چارو وزارت دغه امر په داسې حال کې کړی چې له دې وړاندې د پاکستان سرحداتو چارو وزارت يا (سېفران) په خپل يو امر کې پوليسو او د پاکستان انتظامي او امنيتي ادارو ته ويلي و چې د ( پي او ار ) کارت لرونکي افغان کډوال به تر هغې نه ځورول کېږي تر څو چې د دغه هېواد پارليمان يې په اړه پرېکړه نه وي کړې.

ياد وزارت د خپل امر اعلاميه د پاکستان په يو شمېر ملي ورځپاڼو کې هم چاپ کړې او کډوال ته پکې ويل شوي، بېرته د خپل هېواد ته لاړ شي.

بلخوا د خيبر پښتنخوا ولسوالۍ کې یو افغان کډوال او کاروبارکوونکی حاجي مشال خان وايي، دوی نشي کولای چې د لسيزو ژوند چاروې په داسې سملاسي توګه راټولې کړي او افغانستان ته لاړ شي.

 نوموړی زياته وي افغان کډوالو څلور نسلونه په پاکستان هېواد کې زېږدلې او ډېرښه وخت يې دلته تېر کړی او د پاکستان هېواد کوربتوبه به کله هم هېر نه کړي.

دی د پاکستان حکومت او پارليمان څخه غوښتنه کوي، چې دغو کډوالو ته د بېرته ستنولو لپاره وخت باید ورکړای شي او داسې تګلاره دې ورته وټاکل شي چې په باعزته توګه دغه کډوال خپل هېواد ته ستانه شي.