په کوهاټ کښې عوامي نېشنل ګوند لخوا د بابړې شهیدانو ورځ نمانځل شوې
کوهاټ ( نعمت الله خان )
په کوهاټ کښې د بابړې شهیدانو په یاد کښې عوامي نېشنل ګوند ( اې اېن پي ) ضلعي تنظیم مشر مسعود خان خليل په مشرۍ کښې يوه غونډه رابلل شوې چې پکې د بابړې شهیدانو په یاد کښې د قران مجيد ختم وکړای شو او شهيدانو لپاره دعاوې وکړل شوې.
د دغې غونډې پر مهال د ګوند ضلعي مشر مسعود خان خليل، د ګوند ضلعي سېکتر ډاکټر اشتياق، عثمان خټک او د ياد ګوند نورو ضلعي مشرانو په خپلو ويناوو کښې وويل، د بابړې پېښه يوه تاريخي غميزه ده چې د پښتنو په خاورې رامنځته شوې ده.
په دغه پېښه کښې بې ګناه پښتانه هغه مهال شهيدان کړل شوي چې کله دوی د خپلو حقوقو لپاره يو سوله يیز احتجاج کاوه.
دغه مشرانو په خبره، په کال 1948 کښې شوې پېښې ظلم پښتانه کله هم نشي هېرولای او د شهيدانو قربانۍ به ياد ساتلای شي او ياده ورځ ئې د "پښتنو کربلا" په نوم ياده کړه.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
