دپاکستان لخوا دجلا وطنه افغانانو دغونډې مشري قصدي پارونکې پريکړه ده،خليلزاد
پېښور، د اګست د ۲۵مې او ۲۶مې نېټه، پاکستان دهاغو جلا وطنه افغانانو د غونډ ې کوربهتوب کوي چې د طالبانو مخالف دي، او پکې ځینې داسې کسان هم شامل دي چې د اوسني حکومت په تشدد سره له واکه دلرې کولو ملاتړ کوي.
دا خبره دافغان سولې دعمل لپاره دامريکا پخواني ځانګړي استازي زلمي خليلزاد پخپل يو ايکس ( پخواني ټويټر) بيان کښې کړې ده.
زلمي خليل وئيلي دي چې افغان وګړي د خپلو سیاسي نظرونو حق لري، خو پاکستان له خوا د دوی د کنفرانس کوربهتوب کول یوه غيردانشمندانه او قصدي پاروونکې پرېکړه ده.
دۀ وئيلي دي که طالبان د هغو پاکستاني اتباعو غونډه تنظیم کړي وای چې غواړي د پاکستان د پوځمحوره حکومت نسکور کړي، ما به هم همداسې ویلي وای.
زلمي خليلزاد وئيلي افغانستان او پاکستان ترمنځ د باور او همکارۍ ستره تشه موجوده ده. د اسلاماباد دا ګام به یوازې برعکس پایله ولري. ناپخلا، غیرمسؤلانه، او د خواشینۍ وړ.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
