باجوړ ، کرفيو کښې دنرمۍ نه پس بازارونه پرانستل شول

باجوړ کښې د کرفيو نرمښت وروسته بازارونه بېرته پرانيستل شول، خلقو وسله‌وال ګشت شروع کړے دے.  د خيبر پښتونخوا د باجوړ په ضلع کښې د کرفيو د نرمښت اعلان وروسته ټول مهم سړکونه او بازارونه بېرته پرانيستل شول، او ځايي خلقو د امنيت د خونديتوب لپاره خپل  وسله‌وال   ګشت شروع کړے دے.   د ضلعي انتظاميې له مخې، له پرون  ورځې  نه  خار-منډا سړک، خار-ناواګي سړک، خار-صادق آباد، او عنايت کلي سړک بېرته د عام اولس لپاره خلاص شوے، او له دغو سړکونو سره نښتي ټول بازارونه به هم پرانېستي وي. بل لور ته، د شپې لخوا ښاريان په خپله وسله‌وال ګرځي، د خپلو سيمو څارنه کوي، او د هر ډول مشکوکو فعاليتونو پۀ ضد ئې د ګامونو اخيستلو پرېکړه کړې. د ځايي اوسېدونکو په وينا، دا اقدامات د دې لپاره دي چې ترهګرو ته د تګ راتګ اجازه ورنکړل شي او سيمې خوندي وساتل شي. هغوي زياته کړه چې حکومت که هر څه نه کوي، نو اولس به خپله د امن لپاره ولاړ وي. ځايي جرګو، قومي مشرانو او ځوانانو  فيصله کړې چې د امن د ټينګښت لپاره به ګډ کار کوي او ترهګرو ته به هېڅ ځائے نه ورکوي. په ډېرو سيمو کښې د ځوانانو وسله‌والې  څارونکې کميټې جوړې شوې دي، چې شپه او ورځ  ګشت کوي، تر څو د خلقو ژوند او مال خوندي پاتې شي.