خېبر کښې دمنشياتو دسمګلرانو په ډزو پوليس اهلکار شهيد،جنازه ئې ادا

خېبر کښې دمنشياتو دسمګلرانو په ډزو پوليس اهلکار شهيد،جنازه ئې ادا

خيبر: د   علي مسجد تهاڼې  په لرې غريزه سيمه چوارہ کښې د  منشياتو اسمګلرانو د ډزو په نتيجه کښې شهيد شوي پوليس کانسټېبل حضرت حسين جنازه لمونځ د خيبر پوليس لاين شاکس کښې په پوره سرکاري اعزاز سره ادا کړے شوې ده.

دهغه د جنازې په لمونځ کښې د پېښور سي سي پي او ډاکټر ميا  سعيد احمد، ډي پي او خيبر وقار احمد، ايس پي باړه سرکل، د پاک آرمي افسرانو، ډي ايس پي هيډکوارټر، سرکل افسرانو، د شهيد خپلوانو او د پوليس افسرانو او اهلکارو لوئې شمېر ګډون وکړو۔

په دې موقع د پوليس چاق و چوبند دستې شهيد ته سلامي وړاندې کړه، او اعليٰ پوليس افسرانو د شهيد په جنازه ګلونه کېښودل او د شهيد د لوړو درجو لپاره   خصوصي دعا وشوه۔

د پېښور سي سي پي او ډاکټر ميا سعيد احمد د شهيد کانسټېبل حضرت حسين د کورنۍ سره د زړه نه غمرازي څرګنده کړه او وې وئيل چې شهيد حضرت حسين يو نر، فرض شناس او بهادر پوليس اهلکار ؤ چې د  منشياتو د اسمګلرانو په ضد کارروايۍ کښې ئې د مېړانې اعلى مثال وړاندې کړو او خپل   ژوند  ئې قربان کړو۔

 ميا سعيد ووئيل چې  د هغۀ دا لويه قرباني د خيبر پوليس لپاره د فخر باعث ده۔

 هغۀ زياته کړه چې د شهيد قرباني به هرګز ضائع نه شي، اودهغه په شهادت کښې  ککړ دمنشياتو اسمګلران به زر د قانون  ګرفت ته راوستل شي او د خپل  عمل  سزا به ورته ورکړے شي، دۀ ووئيل چې  خيبر پوليس به د شهيد د کورنۍ سره په  دې  سخته ګړۍ کښې ولاړ وي او هر ممکنه مرسته به ورسره کوي۔